गुज मनाचे

रात्र ही अशी सांगून का येते? अंधाराला का अशी दया कधी येते? आम्हीच का मग असे मागे येतो? प्रत्येक लढाई न लढताच हरतो!! आता ना कधी असे पुन्हा होणे, पाऊल आता पुन्हा न मागे हटने!! सह्य कड्याचे आम्ही मावळे, अंधाराला आता ना भीक घालणे!! पंख पसरुनि उडणे आम्हास ना ठावे, पाय आमचे  घट्ट जमीवर, हरणे आता आम्हास ना भावे!! --योगेश गोसावी  २४ जानेवारी २०१३ 

अमावसेचा चंद्र अमावसेच्या रात्री हा चंद्र कसा आला? झोपडीस माझ्या आज तुझा संग लाभला! तिमीरातून असा यावा एक कवडसा, उजळून जावा अवकाश या मनाचा! तुझा निशब्द संवाद हा का कुणी ऐकावा? मनाला माझ्या का कुणी असा ईशारा द्यावा? फिरुनी ए आज तू पुन्हा माझ्या झोपडीत , ऐकीन सखे पुन्हा तुझ्या मनातील गुपित! -योगेश गोसावी १८ जानेवारी २०१३

बॅक बेंचर्स अस किती दिवस चालायच, आम्ही किती अस झुरायच? तुझ्या एका नजरेसाठी आम्ही कितीदा मरायच? तू एकदा तरी बघशील म्हणून आम्ही प्रत्येक लेक्चर करायच, तू मात्र त्या काळ्या फळ्याकडे डोळे वासून बघायच! तुला आवडत नाही म्हणून आम्ही मागचे बेंच सोडायचे, आणि तू मात्र त्यांच्याच बरोबर चहाचे दुकान गाठायचे! आता नाही अस कधी होणार, कुणी नाही झूरणार की कुणी नाही मरणार, तुला सोडून प्रिये आता आम्ही खालच्या वर्गात जाणार! --योगेश गोसावी १७ जानेवारी २०१३

द्विधा हो म्हणायचे असताना, नाही म्हणून गेलो, पावसात उभा असताना, कोरडा घरी आलो! अस का होत, कधी होत, काही उमजत नाही, मना मधील स्वप्नांना कधीच दिवस मिळत नाही! माझे काही मला कधी जपता आले नाही, एकदा बघितलेले चेहरे, परतून पुन्हा आलेच नाहीत! गर्दी मधून जाताना हल्ली बघत राहतो, आठवनिच्या राज्यातील प्यादे पुन्हा शोधतो! वेड लागाव अस हल्ली कुणीच भेटत नाही, तुम्हा सर्वाना विसराव अस गावच काही येत नाही! -- योगेश गोसावी १७ जानेवारी २०१३