गुज मनाचे

वर्षपूर्ती टीप -ज्या सगळ्यांनी या अवघड काळात जवळच्या कोणाला कायमचे गमावले, अपरिमित नुकसान सहन केले अशा सगळ्यांसाठी मनात दुःख आहेच! आपण सर्वांनाच हा काळ कठीण गेला आहे पण तरीही दुःख उगाळू नये असं म्हणतात. म्हणूनच या गोष्टी बाजूला ठेवून लिहिलेलं हे सर्व कोणाच्याही भावना दुखवण्यासाठी नव्हे तर हळव्या मनावर थोडी फुंकर घालण्याचा प्रयत्न समजावा! काय म्हणता मंडळी, अहो वर्षपूर्ती होतेय! कशाची म्हणून काय विचारता? घरात बसून राहायला लागतंय त्या काळाची नांदी होण्याची वर्षपूर्ती! बाहेरचं काहीही न खाता/पिता/पाहता राहण्याची सवय लागली त्याची वर्षपूर्ती. क्रेडीटकार्ड नावाच्या फोफावत चाललेल्या प्लास्टिक पैशाच्या वापराला थोडा लगाम लागण्यास सुरुवात होण्याची वर्षपूर्ती! एवढंच कशाला तर लग्न होऊन १-२ नव्हे तर अगदी ५० वर्ष झालेल्या जोड्यांनाही सलग इतके दिवस पहिल्यांदाच एकत्र राहण्याची, छे छे बांधून ठेवल्याची वर्षपूर्ती! कधी नव्हे ते आपल्या स्वतःच्या गावाकडे ईतक्या दिवसांसाठी जायला मिळालेल्या दिवसांची वर्षपूर्ती! शरीराच्या छोट्या मोठ्या कुरबुरी संपल्याची वर्षपूर्ती! बऱ्याच घरांमध्ये पहिल्यांदाच सुरू झालेल्या स्व...

मी, माझ्यापुरता! कधी अचानकच अशी उसळी मारून आठव दाटते, मन मग आपसूकच माळावरच्या चाफ्याशी थांबते! बोललो नव्हतो एक शब्द ही जेंव्हा, भरूपर सांगून गेलो होतो! पाठमोऱ्या तुझ्या आकृतीला पाहून जगाची रित शिकलो होतो! शिकवलं तेंव्हाच तू, स्वतःसाठी जगायला. वाचवलं तेंव्हाचं माझ्या या भावनिक मनाला! राग नव्हे, दुःख ही कधी झाले नाही. आभार तुझे मानताना आजही मी थकत नाही! मी उरलोय आता फक्त माझ्यापुरता! जग म्हणतेय स्वछंदी आहे, नाही कोणत्या कामाचा! -गोसाव्यांचा स्वछंदी योगेश १० मार्च, २०२१

आज तिचा दिवस आज म्हणे तिचा दिवस, तिच्यासाठी काही तरी करा! वर्षभर जिचं ऐकतो, तिचं आज परत गुणगान करा! सांगतो तुम्हांला कंपनीत पण असचं नेहमी होतं. वर्षभर ज्याचं (बॉस) गुणगान करावं त्याचंच भल होतं! आमच्यासारखे कित्येकजण नुसते वाट पाहतात, आपलाही दिवस येईल कधी हीच आस धरतात. लिंग, धर्म, जात आमची कोणी पाहू नये, माणूस आहे चांगला एवढं पण का पुरु नये? स्त्री पुरुष तरी तुम्हीं का अजूनही विभागता, त्यानेच बनवलेले दोन ध्रुव चुंबकाचे का असे तोडता? फुल उमलायला ही व्हावं लागतं परागांचं मिलन, तिचाच होईल प्रत्येक दिवस कळेल जर हे लेखन! -गोसाव्यांचा योगेश ८ मार्च, २०२१