मावळतीला उगाच बघ कससं होत राहत,
तू नाहीस कळल्यावर मन माझं विषण्ण होत!
दिसा माजी दिस कसे बघ सरसर पळताहेत,
रातराणीच्या संगतीत मात्र रात्री अजूनही रांगताहेत!
अवतीभवती तुझं घुटमळण आता मला हवं आहे,
कारण नसतानाही भांडण आता मनालाही पटताहेत!
नेहमीच हे असं का गं सखे होतं,
अवसेलाच चांदव्याच आठव मनी दाटून येत!
पुरे कर आता हा अवसे पुनवेचा खेळ,
हवाय आता मला तुझा माझा मेळ!
-योगेश गोसावी
१९ डिसेंबर, २०१८
Comments
Post a Comment