अंगठा (लाईक)

अंगठा (लाईक)

अंगठे (लाईक) दाखवून दाखवून थकली दुनिया सारी,
दोन शब्द बोलायलाही पडतंय आता भारी!

मनातल आता सगळं मनातच लपून राहतं,

वेळ निघून गेल्यावर डिप्रेशन धावून येतं.

दिलखुलास दाद आजकाल फार कमी मिळते.

मिळालीच कधी तर मनात जपून राहते.

अशा लोकांना आता मी जपतोय,

अफाट लोकसंख्ये मध्ये लोकांना शोधतोय.

चुकलं काही कोणाचं तर जरूर त्याला सांगा,

आवडलं कधी काही तर दोन शब्दात बोला.

परतून येतात जेंव्हा आपलेच काही शब्द,

आयुष्यातील दुःख होतात काही काळ स्तब्ध!

बोलतं व्हावं तुम्हीं म्हणून हा एक प्रयास.

नाहीतर लावाल एका अंगठ्यासाठीचा (लाईक) कयास!

-गोसाव्यांचा योगेश

२७ एप्रिल, २०२१