नटरंग -पहावा असा

नटरंग....कलाकार, अतुल कुलकर्णी या गोष्टीं साठी कालचा रविवार राखून ठेवला होता.
उत्कृष्ट अभिनय, ज्या साठी गेलो होतो ती गोष्ट नक्कीच पहावयास मिळाली. अगदीच सोपा, जुना आणि दुर्ल्कशिलेला विषय छान मांडला आहे. माझ्या मते कुठलाही पिक्चर हा कधीच परिपूर्ण नसतो. एक तर १००-२०० लोक तो बनवतात आणि कित्येक हज़ार लोक तो बघतात. कसे काय प्रतेकाचे मन जिंकायचे? त्या साठी पिक्चरचे यशापयश त्याचा सम्पूर्ण पणे किंवा एकत्रित परिणाम कसा होतो त्या वर ठरवावे.
हा विषय जुना यासाठी की तो आधारित आहे, तमाशातिल कलावंताचे झालेले दुर्लक्ष.......समाज, सरकार, कुटुंब अशासर्व बाजूंनी!
आपण सहज पणे एखाद्याचे यश बघतो पण त्या बरोबर आलेल्या आणि न चुकनऱ्या वेदना.....त्या कड़े आपण एक तर दुर्लक्ष करतो किंवा सहज म्हणतो, "आता एवढ हव तर थोड सोसल पाहिजेच ना?" या आपल्या विचारांना परत एकदा विचार करायला लावणे हेच मी नटरंगचे यश मानतो.
अतुल कुलकर्णी आणि टीमचे आभार.......एक छान प्रयत्न!