द्विधा....तुझी आणि माझीही

वाटे वरती उभा असतानाही, दुर्लक्षणारी तू!
पाहूनही तुला, न पाहणारा अभिमानी मी!

    अशीच असते का न घडलेल्या प्रेमाची कहाणी?
    की हीच असते चाहूल सुरू होणाऱ्या कहाणीची?

काही गोष्टी आवडूनही न बोलणारा तू,
प्रत्येक गोष्ट आवडूनही चालत राहणारी मी!

    हीच असते का मूक प्रेमाची व्याख्या?
    की असतो हा गर्व आपल्या असण्याचा सख्या?

का रुंदवते आपल्या मधील दरी?
का नाही जवळ येत आपण प्रेम असुनही मनी?

   छळत असतील ना तुलाही हे विचार?
   वाटत ही असेल ना की कसा असावा आचार?

ये मग आता तुही या किनारी,
सोडवूयात आपण ही सगळी कोडी निराळी!

-योगेश गोसावी
७ मे २०१८